လုပ်အားပေးအခက်အခဲကြောင့် လွယ်ငြိမ့်ဒေသ အစုအဖွဲ့ပိုင်သစ်တော တိုးချဲ့ထိန်းသိမ်းရန် ရန်ပုံငွေရှာဖွေလာရ

Author : Salai Hau Khai
Date : 22 August 2019

လွယ်ငြိမ့် ကျေးရွာ အစုအဖွဲ့ ပိုင်သစ်တော
ကွက်လပ်မြေတွင် ပြန်လည်စိုက်ပျိုးထားသော Austria ပင်

Photo By: Salai Hau Khai

 ညောင်ရွှေမြို့နယ် လွယ်ငြိမ့်ကျေးရွာ အစုဖွဲ့ပိုင်သစ်တော ဆက်လက် ထိန်းထိမ်းရန်  လုပ်အားပေးအခက်အခဲရှိလာတဲ့အတွက် လုပ်သားငှားရမ်းရန် ကိုယ့်အစီအစဉ်နဲ့ကိုယ် ၀င်ငွေရှာလာရကြောင်း အစုအဖွဲ့ပိုင်သစ်တောထိန်းသိမ်းရေးတာဝန်ရှိသူထံမှ သိရတယ်။

လွယ်ငြိမ့် ကျေးရွာအစုအဖွဲ့ပိုင်သစ်တော(CF)ကို လွန်ခဲ့တဲ့ အနှစ် နှစ်ဆယ်က စတင်တည်ထောင်ခဲ့ပြီး စတင်စဉ်က လုပ်အားပေးရရှိရန် လွယ်ကူပေမယ့် ယခုအခါ ရေရှည် ထိန်းသိမ်းရန်နဲ့ ကွက်လပ်ဖြစ်နေတဲ့ နေရာများကို သစ်တောထပ်မံ စိုက်ပျိုးရန်အတွက် လုပ်အားပေးရရန် မလွယ်ကူတော့ကြောင်း တာဝန်ရှိသူ ဦးစံထွန်းက ပြောတယ်။

“   cf ရေရှည်အောင်မြင်ဖို့အတွက် ငွေကြေးလိုအပ်ပါတယ်။ စိုက်ရုံနဲ့မပြီဘူး။ ငါးနှစ် ခြောက်နှစ် ရေပေးတာ နဲ့ မီးတားလမ်းများလုပ်ဖို့ လုပ်အားနဲ့ ငွေလိုအပ်ပါတယ်“လို့ ၎င်းကပြောတယ်။

လွယ်ငြိမ့် CF ဟာ ရွာအနီးတွင်တည်ရှိပြီး ရွာမှ လိုအပ်တဲ့ ထင်းအတွက် ရွာသားများက သစ်တောမှ သစ်ကိုင်းများကောက်ယူပြီး အသုံးပြုကြတယ်။

သစ်တောမှာ တဖြည်းဖြည်းကြီးလာပြီး ထိန်းသိမ်းရတဲ့ လုပ်ငန်းတာဝန်များလည်း ပိုလာတယ်လို့ဆိုတယ်။

အရင်က CF အတွက် လုပ်အားပေးလုပ်ခဲ့ပေမည့်လည်း လက်ရှိအချိန်မှာ မိသားစု အတွက် ၀င်ငွေရှာပေးနေရတဲ့အတွက် လုပ်အားပေးအချိန်ပြည့် မလုပ်ပေးနိုင်တာ့ကြောင်း လွယ်ငြိ်မ့်ရွာမှ ကိုဖိုးလပြည့်က ပြောတယ်။

https://youtu.be/fnuDUonEuSU

CF ထိန်းသိမ်းရေး ရန်ပုံငွေရရှိရန် စီစဉ်

          လက်ရှိအချိ်န်မှာ ဧက ၆၀၀ လောက်ရှိတဲ့ လွယ်ငြိမ့် CF သို့ သစ်ပင်ထိန်းသိမ်းရန် စိတ်ဝင်စားတဲ့ နိုင်ငံခြားသားများ မကြာခဏရောက်ရှိလာပါတယ်။

          အဲဒီနိုင်ငံခြားသားတွေက CF အတွင်း သစ်ပင်ထပ်မံစိုက်ပျိုဖို့ လိုတဲ့ နေရာများအတွက် ဒေသနဲ့ ကိုက်ညီတဲ့ သစ်ပင်တွေ ယူလာစိုက်ပျိုးပေးကာ သူတို့ စိုက်ပျိုးထားတဲ့ သစ်ပင်များ ထိန်းသိမ်းဖို့ ငွေကြေး ထောက်ပံ့မှုအချို့ လုပ်လာကြ ကြောင်း ဦးစံထွန်းကပြောတယ်။

          သစ်ပင်တစ်ပင် ထိန်းသိမ်းဖို့အတွက် ငွေကြေး ကျပ် ၇၀၀၀ နဲ့ ၈၀၀၀ ကြားထောက်ပံ့ကြပြီး ရရှိတဲ့ ထောက်ပံ့ငွေကြေး နဲ့ ဒေသခံများကိုငှားရမ်းကာ စိုက်ပျိုးထားတဲ့ သစ်ပင်တွေကို ထိန်းသိမ်းမှု လုပ်နေရကြောင်း ၎င်းကပြောတယ်။

ဒါ့အပြင် နွေရာသီမှာ သစ်ပင်းများရေပေးရန် အင်းထဲကနေ စက်နဲ့ ရေတင်ဖို့အတွက် ငွေကြေးလိုအပ်ချက်များလည်း ရှိနေပါတယ်။

အဆိုပါငွေကြေးများရရှိရန် အင်းလေးဒေသသို့ ၀င်ရောက်လာတဲ့ နိုင်ငံခြားသားများထံ ကောက်ယူတဲ့ ၀င်ကြေးမှ ရာခိုင်နှုန်းတစ်ခုကို ထောက်ပံ့ပေးရန် အစိုးရထံ တောင်းဆိုသွားဖို့ ရှိတယ်လို့ဦးစံထွန်းကပြောတယ်။

https://youtu.be/_gbXkcSpuTA

လက်ရှိ လွယ်ငြိ်မ့် CF သို့ စိတ်ဝင်စားပြီး ရောက်လာတဲ့ နိုင်ငံခြားသားတွေ နားခိုဖို့ အတွက် နားနေဆောင်တဲကို ဆောက်ပေးထားပြီး နိုင်ငံခြားသားများပိုမိုစိတ်ဝင်စားလာရန်အတွက်  တောထဲသို့ သွားလာနိုင်ရန် လမ်းဖောက်ပေးရန်လည်း စီစဉ်နေတယ်လို့ ဦးစံထွန်းကပြောတယ်။

နားနေဆောင်

Photo By: Salai Hau Khai

လွယ်ငြိမ့် CF ဖြစ်ပေါ်လာပုံ

ညောင်ရွှေမြို့နယ်ရှိ CF သစ်တောထိန်းသိမ်းနယ်မြေ ၆ ခုထဲမှာ လွယ်ငြိမ့် CF တစ်ခုအပါအ၀င်ဖြစ်တယ်။ စုစုပေါင်း ဧက ၆၀၀ ၀န်းကျင်ရှိပြီး အင်းလေကန်နဲ့ နယ်မြေဆက်စပ်နေတယ်။

လွယ်ငြိမ်းကျေးရွာမှာလူဦးရေး  ၅၆၉ ဦး ရှိပြီး ညောင်ရွှမြို့ကနေဆိုင်ကယ်နဲ့ နာရီဝက်လောက်သွားရပါတယ်။

အရင်က သစ်တောများရှိသော်လည်းနောက်ပိုင်း တောင်ကတုံးဖြစ်လာပြီး မိုးရွာတဲ့အခါ တောင်ကတုံးမှ မြေများ ရွံများ အင်းလေးကန်နဲ့ ရွာထဲသို့ ရောက်ရှိလာခဲ့တယ်။

 

ဒါကြောင့် ၁၉၉၇ ခုနှစ်တွင် ရွာသားများအစည်းအဝေးပြုလုပ်ကာ သစ်တောများပြန်လည်ထိန်းသိမ်းရန်အတွက် တောင်ကတုံးကို သစ်တောပြန်လည်စိုက်ပျိုးရန် ဆုံးဖြတ်ခဲ့ကြတယ်။

ဒေသအစုအဖွဲ့ပိုင် သစ်တောအနေနဲ့ ပြန်လည်စိုက်ပျိုးကာ သစ်တောကို ဒေသခံများကပဲ ထိန်းသိမ်းရပြီး အစိုးရက ပျိုးပင်များနဲ့ သစ်ပင်စိုက်ပျိုးရေးနည်းပညာများကိုထောက်ပံ့ပေးခဲ့တယ်။

၂၀၀၀ ခုနှစ်တွင် အစိုးရထံမှ  CF အသိအမှတ်ပြု လက်မှတ်ရခဲ့ပြီး အခုလက်ရှိ မှာတော့ သစ်ပင်များ အရင်ထက်ပိုများလာတယ်။

Leave a Reply

Your email address will not be published. Required fields are marked *